Синоптиктер 13 қыркүйекте ауа райы қандай болатынын айтты

аяз, сурет - Zakon.kz жаңалық 12.09.2022 16:43

Сурет: pixabay

Синоптиктер 13 қыркүйекке арналған ауа райы болжамын ұсынды. Республикада бұрқасын болады, жаңбыр жауып, найзағай ойнап, тұман түседі деп болжанды, деп хабарлайды Zakon.kz.

"Қазгидромет" РМК мәліметінше, солтүстік-батыста жаңбыр жауады, батыста найзағай ойнайды, түнде солтүстікте, шығыстың таулы аймақтарында, оңтүстік-шығыста жаңбыр жауып, көктайғақ болады.

Қазақстанда жел екпіні 15-23 м/с күшейеді. Күндіз батыста шаңды дауыл соғады. Республиканың солтүстігінде, солтүстік-батысында, орталығында түнде және таңертең тұман болады."Қазгидромет" РМК

Болжам бойынша, Қызылорда, Түркістан облыстарының басым бөлігінде, Қарағанды облысының орталығында, Атырау облысының батысында, Қостанай облысының оңтүстігінде жоғары өрт қаупі сақталады.

Сонымен қатар синоптиктер Ақмола облысының солтүстік-шығысында түнде -3°C аяз болатынын хабарлады.

Қостанай, Ақтөбе облыстарының солтүстігінде, түнде Солтүстік Қазақстан облысының солтүстік-шығысында, оңтүстік-батысында, Павлодар облысының шығысында, солтүстігінде, Қарағанды облысының орталығында, Шығыс Қазақстан облысының шығысында, Абай облысының батысында түнде топырақ бетінде -1...-3°С аяз болады.

Бұған дейін синоптиктер Қазақстанда 2022 жылдың 13-15 қыркүйек күндеріне арналған ауа райы болжамын ұсынған еді.

Оқи отырыңыз