Елімізде 22-24 қыркүйекте күн райы қандай болады

Синоптиктер 22-24 қыркүйекке арналған ауа райы болжамын ұсынды. Еліміздің басым бөлігінде құрғақ және шуақты ауа райы сақталады, деп хабарлайды Zakon.kz.

Тек Республиканың батыс өңірлері мен оңтүстік-шығысындағы тау бөктеріндегі аудандарында атмосфералық фронтальды бөліктердің әсерінен өткінші жаңбыр жауып, найзағай күтіледі және жел күшейеді."Қазгидромет" РМК

Синоптиктердің болжауынша, түнгі уақытта ауа температурасы әлі де салқын болғанымен, термометр бағандары күндізгі уақытта бүкіл Қазақстан бойынша 20-34 градус шегінде сақталады.

Еліміздің батысында ғана ауа температурасы аздап төмендейді.