ОСК президенттікке кандидат қандай жағдайда тізімнен алынып тасталатынын айтты
Сурет: Zakon.kz/Павел Михеев
23 қыркүйекте өткен брифингте ҚР Орталық сайлау комиссиясының мүшесі Анастасия Щегорцова президенттікке кандидаттарға сайлау кезінде қандай шектеулер қойылатынын айтты, деп хабарлайды Zakon.kz тілшісі.
Анастасия Щегорцова талаптар "Қазақстан Республикасындағы сайлау туралы" Конституциялық заңның 27-бабының 7-тармағында жазылғанын атап өтті.
Сайлау алдындағы үгіт-насихат жұмыстарын жөнсіз жүргізу мәселесіне көп көңіл бөлінеді. Оған сайлау науқаны үшін арнайы әзірленген баспа өнімдерін, төс белгілер, жалаушаларды тегін таратуды қоспағанда, сайлаушыларға тауарларды, қызметтерді, бағалы қағаздарды тегін немесе жеңілдетілген шартпен ұсыну, сондай-ақ лотереялар, қайырымдылық акцияларын өткізу, ақша төлеу немесе соған уәде беру жатады. Анастасия Шегорцова
Спикер сайлау алдындағы жөнсіз үгіт-насихат жұмыстарын жүргізуге тыйым салынғанын атап өтті.
Сайлау алдындағы дұрыс емес үгіт президенттікке кандидатты тіркеуден шығаруға негіз береді. Анастасия Шегорцова
Ол мемлекет әр кандидатқа оның үгіт-насихат жұмыстарын қолдау үшін бюджеттен бірдей қаражат бөлетінін атап өтті.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
