Астанада жылыту маусымы басталды

Сурет: Zakon.kz

Елордада күннің күрт суытуына байланысты жылу беру маусымы мерзімінен бұрын басталды. 29 қыркүйекте көпқабатты үйлер жылу жүйесіне қосыла бастады, деп хабарлайды Zakon.kz.

27 қыркүйектен бастап әлеуметтік нысандар (медициналық мекемелер, мектептер, балабақшалар, спорт нысандары және т.б.) жылу жүйесіне қосылды, деп жазды елорда әкімдігінің ресми сайты.

Сондай-ақ Астанада тұрғын үй алаптарын газдандыру жұмыстары жалғасып жатыр. Алматы және Сарыарқа аудандары тұрғын үйлерді газға қосу мүмкіндігімен толық қамтамасыз етілген.

Жеке сектор тұрғындары үшін көмір сататын компаниялар анықталды. Бағаның өсуіне жол бермеу мақсатында көмірдің құнын бекіту бойынша компаниялармен тиісті меморандумдар жасалған. "109" нөмірі бойынша "жедел желі" жұмыс істейді, онда көмірдің қоры, бағасы және тұйық жолдардағы бар-жоғын білуге болады.

Оқи отырыңыз