Синоптиктер Қазақстанның бес өңірінде ауа райының күрт бұзылатынын болжайды

Қолайсыз ауа райы, сурет - Zakon.kz жаңалық 13.10.2022 19:42

Сурет: pixabay

14 қазанда еліміздің 5 облысында қолайсыз ауа райына байланысты ескерту жарияланды, деп хабарлайды Zakon.kz "Қазгидромет" РМК-ға сілтеме жасап.

Күндіз Маңғыстау облысының батысында, оңтүстігінде нөсер жаңбыр жауады. Түнде және таңертең облыстың солтүстігінде тұман түседі деп болжанады. Ақтауда да күндіз жаңбыр жауады деп күтіледі.

Түнде және таңертең Батыс Қазақстан облысының солтүстігінде тұман түседі деп болжанады. Орал қаласында түнде және таңертең тұман түседі.

Күндіз Ақтөбе облысының солтүстік-батысында оңтүстік-батыстан соққан желдің екпіні 16 м/с құрайды.

Жетісу облысының солтүстік-шығысында оңтүстік-батыстан 15-20 м/с жылдамдықпен жел соғады деп күтіледі.

Күндіз Солтүстік Қазақстан облысының солтүстігінде, шығысында оңтүстік-шығыстан жел соғады, екпіні 15-20 м/с жетеді. Петропавлда күндіз оңтүстік-шығыстан соққан желдің екпіні 15-20 м/с болады деп күтіледі.

Оқи отырыңыз