Жетісу облысында республикалық маңызы бар тас жолдың бір бөлігі жабылады

Жетісу облысында 14 қазан күні сағат 9:00-ден бастап жөндеу жұмыстарына байланысты республикалық маңызы бар Сарыөзек – Көктал тас жолының бір бөлігі жабылды. Бұл туралы Zakon.kz тілшісіне облыстық төтенше жағдайлар департаментінің баспасөз қызметі хабарлады.

Ведомство өкілдерінің мәлімдеуінше, жарылыс жұмыстарына байланысты 45-68 шақырым аралығындағы жол барлық көлік түрлері үшін жабылды.

Жетісу облысының төтенше жағдайлар департаменті азаматтардан бұл бағытта жол жүруден бас тартып, жол жүру бағытын алдын ала реттеуді сұрады.

Бұған дейін де республикалық маңызы бар Сарыөзек – Көктал тас жолының бір бөлігі жарылыс жұмыстарына байланысты жабылған болатын.