Алматыдағы заңгер әйелдің өліміне күйеуі қатысты болуы мүмкін

12 қазанға қараған түні Алматының Алмалы ауданындағы ауруханада адвокат Айман Асанова қайтыс болды. Адвокат Гүлнар Жуаспаеваның айтуынша, ол бұрынғы күйеуінің қолынан қаза тапқан, деп хабарлайды Zakon.kz.

Бұл туралы адвокат Facebook парақшасында жазды.

Кеше оның қайтыс болғаны туралы оқығаннан кейін, бірден күйеуі екенін айттым. Көп ұзамай бәрі расталды. Гүлнар Жуаспаева

Адвокат Айман Асанованың туыстары мен жақындарына көңіл айтып, тергеу мен сотқа көмектесуге уәде берді.

Бұған дейін Алматыда адвокат әйел Айман Асанованың өлтірілгені белгілі болған. Полицияның мәліметінше, 2022 жылдың 8 қазанында сағат 23:00 шамасында ол көптеген пышақ жарақаттарымен Алмалы ауданындағы ауруханаға жеткізілген. Айман Асанова 12 қазанға қараған түні медициналық мекемеде қайтыс болды.

Қазір Қазақстан Республикасы Қылмыстық кодексінің 99-бабы («Адам өлтіру») бойынша күдікті анықталды. Оны ұстау шаралары жүргізіліп жатқаны хабарланды.