Алматы әуежайында жолаушылардың бірінің телефон зарядтау құрылғысы жарылды

Алматы әуежайы, Power Bank, сурет - Zakon.kz жаңалық 21.10.2022 16:40

Сурет: Азаматтық авиация комитеті

Азаматтық авиация комитетінің мәлімдеуінше, Алматы әуежайындағы халықаралық рейстердің ұшу залында тексеру рәсімінен өту кезінде жолаушының портативті зарядтағышы жарылды, деп хабарлайды Zakon.kz.

Жолаушы 19 қазанда "Эйр Астана" әуекомпаниясының Алматы — Бішкек бағыты бойынша КС 109 рейсімен ұшпақ болған.

"Қазақстанның авиациялық әкімшілігі" АҚ жолаушыларға тіркеу рәсімінен өту кезінде авиакомпания мен әуежайлардың қызметкерлерін зарядтау құрылғыларының бар екендігі туралы хабардар ету керек екенін ескертті.

Қосалқы батареялар, соның ішінде қуат көздері (Power bank деп аталады) қол жүгімен тасымалдануы керек. Қысқа тұйықталудың алдын алу үшін бастапқы бөлшек қаптамаға салу арқылы немесе терминалдарды басқаша оқшаулау арқылы, мысалы, әр батареяны бөлек пластик пакетке немесе қорғаныс корпусына салу арқылы алып өту керек.

Оқи отырыңыз