Қазақстанға 630 млрд теңге қайтарылды - Бас прокуратура

ҚР Бас прокуроры Берік Асылов активтерді қайтару жөніндегі комиссияның жұмысы туралы айтты, деп хабарлайды Zakon.kz.

Оның айтуынша, мемлекетке 630 миллиард теңгеден астам ақша мен мүлік қайтарылған.

Сондай-ақ ол кеден саласындағы прокурорлардың актілері бойынша бюджет 57 млрд теңгеге толықтырылғанын, 5 млрд теңгенің 140 мың гектар жері мемлекет меншігіне қайтарылғанын қосты.

Бұған дейін жемқор шенеуніктерден тәркіленген 100 миллиард теңге қараша айында мектеп құрылысына бағытталатыны хабарланған болатын.