ҚР парламентінің құрылымы мен жұмысындағы өзгерістерді бекітетін заң қабылданды
Сурет: parlam.kz
Құжатты талқылау барысында Қазақстан Республикасы Парламенті cенатының депутаты Владимир Волков Конституциялық заң жобасы тапсырмасы бойынша әзірленгенін және 8 конституциялық заңға өзгерістер мен толықтырулар енгізуді көздейтінін еске салды.
«Қазақстан Республикасының Президенті туралы» Конституциялық заңға өзгертулер Конституцияның президент өкілеттік мерзіміне қатысты жаңа нормаларына сәйкестендіріледі. Президенттің президенттік кезінде саяси партияларға мүше болуына шектеулер енгізуді қарастырады; оның жақын туыстарының мемлекеттік саяси қызметшілер, квазимемлекеттік сектор субъектілерінің басшылары лауазымдарын атқаруына шектеулер және басқа да бірқатар түзетулер енгізуді қарастырады.Владимир Волков
Сондай-ақ "Қазақстан Республикасының парламенті және оның депутаттарының мәртебесі туралы" Конституциялық заңға Сенатты құру тәртібін өзгерту туралы нормалар енгізілген. Осылайша, президенттік квота 10 мандатқа, оның ішінде Қазақстан халқы ассамблеясының ұсынысы бойынша президент тағайындайтын Сенаттың бес депутатына дейін қысқартылды.
Мәжілісті құру тәртібі өзгертіледі.
Енді мәжілістің 69 депутаты партиялық тізім бойынша, 29-ы бір мандатты аумақтық округтер бойынша сайланады. Қазақстан халқы ассамблеясының мәжілістегі квотасы алынып тасталды. Мәжiлiс депутатын мандатынан айыруға, оның iшiнде бiр мандатты сайлау округтерi бойынша сайланған депутаттарды сайлаушылардың бастамасы бойынша шақырып алуға негiздер көзделген. Владимир Волков
2023 жылғы 1 қаңтардан бастап парламенттегі заң шығару процесі өзгереді. Енді мәжіліс заңдарды қабылдайды, ал сенат оларды бекітеді. Бұл ретте палаталар арасындағы тежеу мен тепе-теңдік тетігі қарастырылған.
