Алматыда жол ережесін өрескел бұзған ресейлік блогер жауапқа тартылды

Алматыда Ресейден келген блогер жол ережесін өрескел бұзды. Блогер ол әрекетін видеоға түсіріп алып, әлеуметтік желіге жариялады. Ол жауапкершілікке тартылды, деп хабарлайды Zakon.kz.

4 қарашада Алматы полиция департаменті Ресей Федерациясының 21 жастағы азаматына қатысты мынандай құқық бұзушылықтар бойынша хаттама толтырылғанын мәлімдеді.

• Қазақстан Республикасы ӘҚБтК-нің 601-бабының 1-бөлігі бойынша – "Жол белгiлерiмен немесе жолдың жүру бөлiгiндегiтаңбалармен көрсетiлген талаптарды сақтамау";

• Қазақстан Республикасы ӘҚБтК-нің 596-бабының 2-бөлігі бойынша –"Көлiк құралын жолдың жүру бөлiгiнде орналастыру, қарсы жүрiп өту немесе басып озу қағидаларын бұзу"

• ҚР ӘҚБтК-нің 591-бабының 1-бөлігі –"Көлiк құралын басқару кезiнде жүргiзушiнiң телефонды не радиостанцияны пайдалануы".