Тоқаев Түркі мемлекеттері ұйымының Цифрландыру орталығын құруды ұсынды

11 қарашада Қасым-Жомарт Тоқаев Түркі мемлекеттері ұйымының саммитінде сөйлеген сөзінде Түркі мемлекеттері ұйымының Цифрландыру орталығын құруды ұсынды, деп хабарлайды Zakon.kz.

Ол орталықты Астана хаб халықаралық технопаркінің базасында құру қажет екенін айтты.

Президент сондай-ақ бұл құрылым сауда, көлік, су ресурстары, ақпараттық қауіпсіздік және басқа да салаларға қажетті цифрлық шешімдер әзірлеуге мүмкіндік беретінін атап өтті.

Оған қол жеткізу үшін Түркі елдерінің Венчурлық қорын құруды ұсынды. Президенттің сөзінше, сол арқылы маңызды старт-ап жобаларға инвестиция тартуға жол ашылады.