Тұман, көктайғақ, жел: 24 қарашада Қазақстанда ауа райы қандай болады

Синоптиктер Қазақстанда 2022 жылдың 24 қарашасына арналған ауа райы болжамын ұсынды, деп хабарлайды Zakon.kz.

«Қазгидромет» РМК мәліметінше, республиканың басым бөлігінде жаңбыр мен қар түріндегі жауын-шашын, шығыста қар жауады деп күтілуде.

"Республикада тұман, көктайғақ күтіледі, батыста, солтүстік-батыста, солтүстікте, оңтүстікте, оңтүстік-шығыста – жел күшейеді, Қазақстан Республикасының солтүстігінде, солтүстік-батысында – қарлы боран соғады. Жетісу облысының солтүстік-шығысында көктайғақ болады. Солтүстік-шығыстан соғатын желдің күші 15-20, екпіні 23-28 м/с. «Қазгидромет» РМК

Астанада – көшпелі бұлтты, күндіз жауын-шашын (көбінесе қар). Оңтүстік-шығыстан соғатын жел түнде 2-7, күндіз 9-14 м/с. Ауа температурасы түнде -12...-14°С, күндіз -3...-5°С

Алматыда күн бұлтты болады, түнде аздаған жауын-шашын болады (негізінен жаңбыр). Түнде және таңертең тұман. Жел 2-7 м/с. Ауа температурасы түнде +2...+4°С, күндіз +9...+11°С.

Шымкентте – көшпелі бұлт шығады, жауын-шашынсыз. Оңтүстік-шығыстан 5-10 м/с жел соғады. Ауа температурасы түнде +5...+7°С, күндіз +17...+19°С.