Қостанайда жоғалған 14 жылқы иесіне қайтарылды
Сурет: polisia.kz
17 бас мал ұрлаған үш қылмыскер ұсталды. Ұрланған малдар иелеріне қайтарылды. Бұдан басқа, полицейлер облыстық автожолдарда, мал және ет қабылдау орындарында тасымалданатын малға құжаттарды тексеруді жүзеге асыруда.
Мұндай рейдтер барысында ҚР ӘҚБтК-нің 406-бабы (Мал мен етті тасымалдау ережелерін бұзу) бойынша 15 бұзушылық анықталды. Сондай-ақ мал жаю бойынша халықпен профилактикалық жұмыс жүргізілуде, өйткені бұл қылмыскерлер үшін оңай пайда.
Мысалы, 26 қарашада Амангелді ауданының полиция бөліміне бір ай бұрын еркін жайылымнан 14 бас жылқының жоғалғаны туралы өтінішпен жергілікті тұрғын жүгінді. Бұл факт тіркелді.
Жүргізілген іздестіру іс-шаралары барысында жылқылар кенттен 70 шақырым қашықтықта табылып, иесіне қайтарылды. Осыған байланысты ер адам полицияға алғыс сөздерімен жүгінді.
ҚР ӘҚБтК-нің 408-бабы (Ауыл шаруашылығы жануарларын ұстау қағидаларын бұзу) бойынша ЖПІШ жүргізу кезінде барлығы 60-тан астам азамат әкімшілік жауапкершілікке тартылды.
Полицейлер облыс тұрғындарына малдың сақталуын қамтамасыз ету және оны тасымалдау кезінде ережелерді сақтау қажеттігі туралы ескертеді.
