Scat Boeing ұшағының "Шереметьево" әуежайына апатты жағдайда қонғанын растамады

Қазақстандық Scat әуе компаниясы Астанадан Мәскеуге ұшқан Boeing 737-300 ұшағының Шереметьево әуежайына апатты жағдайда қонғаны туралы ақпаратты жоққа шығарды, деп хабарлайды Zakon.kz тілшісі.

РИА Новости басылымына Жедел қызмет өкілінің хабарлауынша, ұшақ гидравликалық жүйедегі техникалық ақауға байланысты апатты жағдайда қонды, адамдар зардап шеккен жоқ.

Zakon.kz редакциясы түсініктеме алу үшін Scat компаниясына сауал жолдады.

"Ақпарат шындыққа жанаспайды, ұшақ қалыпты жағдайда қонды", – деді әуе компаниясының баспасөз қызметі.