Қазақстанда шарап күрт қымбаттады

шарап қымбаттады, сурет - Zakon.kz жаңалық 07.12.2022 11:30

Сурет: unsplash

Сарапшылар Қазақстанда шарап бір жылда рекорд жасап, 15% қымбаттағанын есептеді. Бұл - 2015 жылдан бергі ең жоғары баға өсімі, деп хабарлайды Zakon.kz.

Energyprom.kz есебіне сәйкес, 2022 жылдың қарашасында шарап бағасы 0,9% өсті. Жыл басынан бері шарап 14,7% қымбаттады.

"2021 жылдың қарашасымен салыстырғанда шарап Қазақстанда орташа есеппен 15,3% қымбаттады. Бұл - кейінгі 7 жылдағы рекордтық көрсеткіш", - делінген хабарламада.

Шарап бағасының ең жоғары өсуі екі облыста тіркелді: Абай және Қызылорда облыстарында: бірден 23,8%.

Одан әрі қарай:

Қарағанды облысы (22,2%);

Ақтөбе облысы(19,7%);

Түркістан облысы (19,3%).

Ең аз қымбаттау Солтүстік Қазақстан, Атырау және Ақмола облыстарында байқалды.

Сонымен қатар шарап экспорты бірден 54,9 есеге өскені айтылады, бірақ бұл шамалы ғана, 219,6 мың литр. Ішкі нарықтағы сату көлемі 23,1% өсіп, 28 млн литр болды.

14 қарашада зерттеушілер Қазақстанда бір жылда киім-кешек 15% қымбаттағанын мәлімдеді.

Оқи отырыңыз