Алматыда Жаңа жыл мерекесі қалай тойланады
Сурет: Zakon.kz
Фестиваль аясында Абай алаңында 26 сәндік кіші сәулет пішіндер (КСП), түрлі дүкендері мен мейрамханалары бар 30 үй, сондай-ақ фотоаймақтар орнатылды, қазақстандық эстрада жұлдыздарының қатысуымен концерттер жоспарланған:
- 29 желтоқсанда сағат 18:40-та сахнада Ninety one тобы мен Asia лайв-бенд өнер көрсетеді;
- 30 желтоқсанда сағат 18:40-та Nazima және Ava Band лайв-бенд қойылымдары өтеді:
- 3 қаңтарда сағат 18:40-та лайв-бенд Guinness.
Негізгі мәдени шаралар 31 желтоқсанда "Астана" алаңында – сағат 21:00-ден 23:50-ге дейін қазақстандық эстрада жұлдыздарының қатысуымен мерекелік концерт өтеді. Кештің жүргізушілері Данияр Батырбаев, Дәулет Бижанов және Анара Батырхан. Сахнада Абай Бегей, Мәдина Сәдуақасова, Мөлдір Әуелбекова, Рано Омарова, Парвиз Назаров, Luina, Асхат Тарғын, Димаш Дәулетов, Нұрсұлтан Нұрбердиев, "Орда", Ninety One, "КешYоu", "Жігіттер", "Шамис" топтары, Бүркіт пен Аиша, Әли Оқапов, Мәди Рымбаев өнер көрсетеді. Президенттің құттықтау сөзінен кейін қалада 10 минутқа дейін созылатын мерекелік отшашу болады.
Жаңа жылдық қысқы фестиваль жаңа жылдық сыйлықтар бойынша тамаша идеялары бар қазақстандық дизайнерлер мен қолөнершілердің өздері жасаған ағаш ойыншықтар, зергерлік бұйымдар, балауыз шамдар, тоқылған аксессуарлар, сыйлықтарды безендіру, ересектер мен балаларға арналған киім-кешектер ұсынатын жаңа жылдық жәрмеңкеге жалғасады.
Еске салсақ, қаланың бас шыршасы Абай алаңында орналасқан, оның биіктігі 22 метр, 350 ойыншық және 10 мың мерекелік гирляндалармен безендірілген.
Қалада барлығы 8 жасанды шырша қойылған, олар мына жерлерде орналасқан:
- "Алматы Арена" мұз сарайының алдындағы алаңда;
- "Астана"алаңында;
- Абай алаңында;
- Н. Сац атындағы балалар мен жасөспірімдер театры алдындағы алаңда;
- Балуан Шолақ атындағы спорт және мәдениет сарайының алдында;
- Тұңғыш Президент саябағында;
- Ғ. Мүсірепов атындағы балалар мен жасөспірімдер театрының алдында;
- ҚБТУ ғимаратының алдындағы алаңда.
Медеу, Алмалы аудандарында және "Астана" алаңында фудкорт үйлері мен нүктелері орналасқан. Панфилов және Жібек жолы жаяу жүргіншілер көшелерінде "жұлдызды аспанның" 2 сегменті безендіріліп, 12 тақырыптық КСП және 4 фото аймақ орнатылды. Тұңғыш Президент саябағында жаңа жылдық стильде безендірілген 8 аймақ ұйымдастырылған. Қала бойынша биіктігі 1-ден 2,5 метрге дейінгі ертегі кейіпкерлерінің 40 көлемді фигурасы орнатылды.
Алматыда 5 тегін мұз айдыны ашылған- Тұңғыш Президент саябағының алдында, Республика Сарайының алдында, Әуезов ауданындағы Ықылас,9 мекенжайдағы Таугүл ықшам ауданында, Наурызбай ауданы әкімдігінің алдында Шұғыла шағына ауданы, 347-де, Түрксіб ауданындағы Сейфуллин көшесі, 13 мекенжайдағы №6 Оқушылар үұй алдында.
Жақын арада Жетісу ауданындағ,ы "Гүлдер" саябағында тағы бір мұз айдыны ашылады.
Мұз айдындарына кіру – тегін, конькиді бір сеанста жалға алу құны (2 сағат) 1000 теңгені құрайды. Конькимен келгендер үшін коньки тебу тегін. Беру пункттері жұмыс күндері 10:00-ден 22:00-ге дейін және демалыс күндері 10:00-ден 23:00-ге дейін жұмыс істейді, мұз айдындарының өзі тәулік бойы жұмыс істейді.
