Сыбайлас жемқорлыққа қарсы қызмет мемлекетке 600 млрд теңгенің қайтуына ықпал етті

Сыбайлас жемқорлыққа қарсы қызмет биыл құны 600 млрд теңгеден астам заңсыз иеленген мүлік активтері мен ақшалай қаражатты мемлекетке қайтаруды қамтамасыз етті, деп хабарлайды Zakon.kz.

Сыбайлас жемқорлыққа қарсы қызметтің мәліметінше, оларға:

• қымбат жылжымайтын мүлік;
• сәнді автомобильдер;
• бағалы металдар мен зергерлік бұйымдар;
• қолма-қол ақша кіреді.

Бұдан бөлек, елімізде және шетелде жалпы сомасы 360 млрд теңгеден асатын жылжымайтын мүлік, автомобильдер мен қаражат анықталды.

Олар жақын арада мемлекетке қайтарылады.Сыдайлас жемқорлыққа қарсы іс-қимыл агенттігінің баспасөз қызметі

Президенттің тапсырмасы бойынша барлық қайтарылған активтер мектеп құрылысына бағытталатын болады.