Сыбайлас жемқорлыққа қарсы қызмет басшысы тағы бір лауазымға ие болды

ҚР Сыбайлас жемқорлыққа қарсы қызмет басшысы Марат Ахметжанов ТМД сыбайлас жемқорлыққа қарсы күрес жөніндегі мемлекетаралық кеңесті басқаратын болды, деп хабарлайды zakon.kz.

Ведомства мәліметінше, аталған кеңес өзіне мүше мемлекеттер қабылдаған сыбайлас жемқорлықпен күрес саласындағы міндеттерді орындауды бақылау мен бірлескен әрекеттерді үйлестіреді. Кеңес отырысында Ахметжанов Қазақстан сыбайлас жемқорлықтың барлық түрлерін жоюдың мақсатты бағытын ұстанатынын және одан әрі жемісті ынтымақтастыққа әрдайым дайын екендігін баса айтты.

Сондай-ақ ол әріптестерін қылмыстық процесті жаңғыртуға, сыбайлас жемқорлыққа қарсы заңнамалардың жаңашылдығына және Мемлекет басшысының Жолдауында айтылған бастамаларға ерекше назар аудара отырып, елімізде жүргізіліп жатқан реформалармен таныстырды.

Ахметжанов 2021 жылдың 16 сәуірінде еліміздегі Сыбайлас жемқорлыққа қарсы қызметтің басшысы болып тағайындалды.

Оқи отырыңыз

Доллар өсіп, теңге неге әлсіреді? ҰБ жауабы

13:00, 03 желтоқсан 2021

Қаш! Айсұлтан Сейітов алғашқы фильмінің шет жағасын көрсетті

11:30, 02 желтоқсан 2021

Аралдағы мемлекет климатқа байланысты көшуге дайындала бастады

09:48, 02 желтоқсан 2021