Ақмола облыстық сыбайлас жемқорлыққа қарсы қызмет департаментінің басшысы тағайындалды

Сурет: kaznu.kz

Асхат Оразхан Ақмола облыстық сыбайлас жемқорлыққа қарсы қызмет департаментінің басшысы тағайындалды, деп хабарлайды Zakon.kz.

Бұл туралы Асхат Оразханның өзі Facebook-тегі парақшасында хабарлады.

"Сыбайлас жемқорлыққа қарсы іс-қимыл агенттігі төрағасының бұйрығына сәйкес, мен Ақмола облысы бойынша сыбайлас жемқорлыққа қарсы қызмет департаментінің басшысы лауазымына тағайындалдым. Әрине, жаңа мәртебеге ие бола отырып, агенттік басшылығының сенімін ақтау үшін бар күш-жігерімді, жинақталған тәжірибем мен білімімді жұмсаймын". Асхат Оразхан

Ол сонымен бірге 1,5 жыл бойы Алматы бойынша сыбайлас жемқорлыққа қарсы ведомствоны басқару өзі үшін үлкен мәртебе болғанын жазды.

"Осы өңірдегі сыбайлас жемқорлыққа қарсы іс-қимылға белсенді қатысып, елеулі үлес қосқандардың барлығына алғысымды білдіремін. Осы уақыт ішінде біз, ең алдымен, азаматтарымыздың әл-ауқаты мен сеніміне бағытталған үлкен жұмысты бірге жүргізе алдық. Әрқашан бәріне ашықпын және ынтымақтастыққа дайынмын!", - деп жазды ол.

Оқи отырыңыз