Қазақстанда 109 жол учаскесі әлі жабық, бақылау бекеттерінде 600 көлік тұр

Қазақстан, ҚР ТЖМ, ауа райы, жабылған жолдар, сурет - Zakon.kz жаңалық 04.01.2023 09:17

Сурет: ҚР ТЖМ баспасөз қызметі

Төтенше жағдайлар министрлігі жолдардың жабылған учаскелері, бақылау-өткізу бекеттерінде жиналған көліктер және Қазақстанның бірнеше өңірінде жалғасып жатқан апаттық-құтқару жұмыстары туралы мәлімет берді, деп хабарлайды Zakon.kz.

ҚР ТЖМ баспасөз қызметінің мәлімдеуінше, ауа райының нашарлауына байланысты (боран, нашар көріну, көктайғақ) тас жолдардың 109 учаскесі жабылды, оның 41-і республикалық және 68-і облыстық маңызы бар жолдар. Блок-бекеттерде 600 автокөлік тұр.

Бір тәулікте құтқару бөлімшелері 695 адамды құтқарды, оның ішінде 137 бала (Жамбыл, Түркістан, Қостанай, Қарағанды және Абай), 146 бірлік техника қар құрсауынан шығарылды.

Тұрғындарды эвакуациялау үшін тас жолдардың жабық учаскелерінде 846 уақытша жылыту пункттері дайындалды, оған қоса 99 техника (Вахтовка және Кунг) дайын тұр.

Уақытша жылыту пункттерінде 171 адам, оның төртеуі бала (Жамбыл облысы, Абай облысы, Ақмола, Қостанай, Павлодар).

Авариялық-құтқару жұмыстарына барлығы 1000-нан аса адам және 600-ге жуық ТЖМ, ЖАО және ІІМ техникасы жұмылдырылды.