Қазақстанда әуе рейсі енді 5 сағатқа кешіксе, билеттің толық құнын қайтаруға болады

Азаматтық авиация комитеті төрағасының орынбасары Тимур Тілегеновтің айтуынша, рейстердің кешігуін азайту мақсатында тиісті заңнамаға өзгерту енгізілген. Бұл туралы "Хабар 24" телеарнасы хабарлады.

"Ескі заңнамаға сәйкес, әуе рейсі 10 сағатқа кешіктірілген жағдайда әуе компаниясы билет құны толық қайтаруға тиіс еді. Осындай жағдайларды болдырмас үшін біз заңнамаға өзгерту енгізуді ұсындық. Заң былтырғы жылдың аяғында қабылданды. Егер кешігу уақыты 5 сағаттан асатын болса, онда билет құны толық қайтарылуға тиіс". Тимур Тілегенов

Еске салайық, елімізде әуе компаниялары жолаушыларға рейс кестесі өзгергені жөнінде дер кезінде хабарлауға міндеттелген еді. Әуе компаниялары рейстің өзгеру себептері және рейстің өзгерген уақыты туралы немесе жаңа маршрут туралы мәліметтерді, сонымен бірге рейс мәртебесінің өзгеруіне байланысты әуе компаниялары ұсынатын қызметтер тізбесін ұсынуы керек.

Оқи отырыңыз

Су тасқынымен күрес: Жапония Қазақстандағы гидротехникалық құрылыстарды тексеруге жәрдемдеседі

14:13, 18 мамыр 2024

Үкімет отандық ауыл шаруашылығы техникасын өндірушілерді қолдау құралдарын қайта қарады

13:35, 18 мамыр 2024

Алматыда лифтінің алдында бұрынғы әйелін аяусыз ұрып-соққан ер адам қамауға алынды

12:46, 18 мамыр 2024