Ертең республиканың 10 өңірінде дауылды ескерту жарияланды

"Қазгидромет" РМҚ синоптиктері ертең, 27 қаңтарда республиканың 10 өңірінде қолайсыз ауа райына байланысты дауылды ескерту жариялады, деп хабарлайды Zakon.kz.

Ақмола облысында жаяу бұрқасын, жел соғады, екпіні 15-20 м/с-ке жетеді, тұман түседі.

Батыс Қазақстан облысында тұман түседі. 

Астанада жаяу бұрқасын, жел соғады, екпіні 15-20 м/с болады.

Ақтөбе облысында тұман түседі.

Шығыс Қазақстан облысында жаяу бұрқасын, жел соғады, екпіні - 15-20 м/с.

Қызылорда облысында тұман болады.

Павлодар облысында жаяу бұрқасын, жел соғады, екпіні 15-20 м/с-ке жетеді. 

Абай облысында жаяу бұрқасын, жел соғады, мұнда да екпіні 15-20, түнде екпіні 25 м/с болады.

Жетісу облысының Алакөл көлдері ауданында жел соғады, екпіні 15-20, кей уақытта 23-28 м/с болады.

Солтүстік Қазақстан облысында жаяу бұрқасын, жел соғады, күші 15-20 м/с, облыстың оңтүстігінде екпіні 23 м/с болады.