Ерекше жаза: Тайландта мұғалім 100 оқушының шашын қиып тастады

Тайландта шаш қиып тастаған мұғалім ұсталды, сурет - Zakon.kz жаңалық 10.02.2023 09:16

Сурет: pixabay

Тайландта мұғалім оқушылардың шаштарын қиып жазалаған. Нәтижесінде жүзден астам мектеп оқушысы жоспарсыз шаш қидырды, деп хабарлайды Zakon.kz.

Тайландтың Bangkok Post газетінің хабарлауынша, оқиға әлеуметтік желіде жарияланған басылымның арқасында белгілі болды.

Нәтижесінде білім министрі Тринуч Тиенхонг тергеу жүргізуге бұйрық берді.

Ол «шаш қиюды жаза ретінде пайдалану орынсыз және дұрыс емес» деп атап өтті.

Айта кетейік, 1972 жылдан бері Тайландта қатаң дресс-код күшіне енген: қыздарға боб карэ қылып шаш қиюға болады. Ал ұлдар қысқа қылып шаштарын қырқу керек. Бірақ 2020 жылы ережелер алынып тасталды. Алайда көптеген мектептер нұсқауларды елемеді.

Қаңтар айының соңында король туралы желідегі жазбалары үшін 28 жылға бас бостандығынан айырылған таиландтық белсенді туралы хабарланған болатын.

Оқи отырыңыз