Синоптиктер Қазақстанның бірнеше өңірінде қолайсыз ауа райы болатынын айтты

"Қазгидромет" РМК болжамы бойынша, Қостанай, Павлодар және түнде Астанада қолайсыз ауа райы сақталады, деп хабарлайды Zakon.kz.

Қолайсыз ауа-райы – атмосфера ауасының беткі қабатында зиян (ластаушы) заттардың жиналуына ықпал ететін қысқа мерзімді метеорологиялық факторлардың (тыныш, жеңіл жел, тұман, инверсия) жиынтығы.

Қолайсыз ауа-райы жағдайында елді мекендердегі атмосфералық ауаның сапасы нашарлауы мүмкін.

Ластану деңгейінің қалыптасуын анықтайтын маңызды фактордың бірі – синоптикалық жағдайды болжау (жел, жауын-шашын, ылғалдылық, ауа температурасы).

Бұған дейін жұма күні Қазақстанның басым бөлігінде тұрақсыз ауа райы сақталатыны хабарланды.