Алматыда қолайсыз ауа райы болжанды

Сурет: Zakon.kz

Синоптиктердің болжамынша, 21 ақпанда Алматыда ғана қолайсыз метеорологиялық жағдай болады, деп хабарлайды Zakon.kz.

"Қазгидромет" РМК-ның мәліметінше, Алматыдағы метеорологиялық жағдайлар атмосферада ластаушы заттардың жиналуына ықпал етеді. Республиканың басқа қалаларында қолайлы ауа райы сақталады.

Ластану деңгейінің қалыптасуын анықтайтын маңызды факторлардың бірі - синоптикалық жағдайды болжау (жел, жауын-шашын, ылғалдылық, ауа температурасы). Бұл болжамға сай, 21 ақпанда Қазақстанның басым бөлігінде бұрқасынмен бірге қар жауады.

Қолайсыз ауа-райы кезінде ұсынылатын әрекеттер:

көшеде, әсіресе магистральдарда немесе басқа ластау көзінің жанында өткізетін уақытты азайтыңыз. Балалар мен жүкті әйелдер ұзақ серуендеуден аулақ болуы керек;
созылмалы өкпе аурулары, жүрек-қан тамырлары, аллергиялық аурулармен ауыратын адамдар сыртқа шыққанда бірге дәрі-дәрмегін алып жүруі керек;
ашық ауада физикалық белсенділікті шектеңіз. Дене шынықтыру жабық спорт кешендерінде жүргізілуі керек.

Бұған дейін синоптиктер Алматы, Астана және еліміздің бірқатар облыстарында дауылды ескерту жариялаған еді.

Оқи отырыңыз