Қазақстанның бірқатар қаласында қолайсыз ауа райы болжанды

Елдің бірқатар өңірінде қолайсыз күн райы болжанды, сурет - Zakon.kz жаңалық 16.01.2023 09:50

Сурет: pixabay

Мамандардың болжауынша, Алматы, Ақтөбе, Қарағанды, Жезқазған, Балқаш, Теміртау және Шымкент қалаларында 16 қаңтарда қолайсыз метеорологиялық жағдай сақталады, деп хабарлайды Zakon.kz.

"Қазгидромет" РМК мәліметінше, бірінші, екінші және үшінші дәрежелі қолайсыз ауа райы жағдайы (ҚМУ) туралы ескерту жоқ.

Қолайсыз ауа райы жағдайы – атмосфералық ауаның беткі қабатында зиян (ластаушы) заттардың жиналуына ықпал ететін қысқа мерзімді метеорологиялық факторлардың (тыныш, жеңіл жел, тұман, инверсия) жиынтығы. Ондай жағдайда елді мекендердегі атмосфералық ауаның сапасы нашарлауы мүмкін.

Ластану деңгейінің қалыптасуын анықтайтын маңызды факторлардың бірі - синоптикалық жағдайды болжау (жел, жауын-шашын, ылғалдылық, ауа температурасы).

Бұған дейін синоптиктер Алматы мен Жетісу облыстарында қатты аяз болады деп хабарлаған еді.

Оқи отырыңыз