Жаңалықтар тізбегі
0

Бас прокуратурада кадрлық ауыс-түйіс болды

Бас прокуратура, прокуратура Сурет: Telegram/GenPr
ҚР Бас прокуратурасында кадрлық ауыс-түйіс болды. Қоғамдық мүдделерді қорғау қызметінің бастығы, Бас прокурор аппараты басшысының орынбасары, Ішкі тергеп-тексеру департаментінің бастығы жаңадан тағайындалды, деп хабарлайды Zakon.kz.

Бас прокурордың бұйрығымен Қоғамдық мүдделерді қорғау қызметінің бастығы болып әділет аға кеңесшісі Марат Әбішев тағайындалды.

ҚР Бас прокуратурасы Қоғамдық мүдделерді қорғау қызметінің бастығы

Сурет: Telegram/GenPr

Марат Әбішев 1979 жылы туған. Е. А. Бөкетов атындағы Қарағанды мемлекеттік университетін "халықаралық құқық" мамандығы бойынша бітірген.

Еңбек өтілі:

Еңбек жолын 2000 жылы Жезқазған қаласы прокурорының көмекшісінің міндетін атқарушы қызметінен бастаған.

  • 2002 жылдан 2007 жылға дейін Қарағанды облысының прокуратурасында түрлі лауазымдарды атқарды, содан кейін Бас прокуратурада 2009 жылға дейін жұмыс істеді.
  • Шығыс Қазақстан облысында судья болып жұмыс атқарды.
  • 2010 жылдан бастап Бас прокуратураның Соттарда мемлекет мүдделері бойынша өкілдік ету департаментінде аға прокуроры, бөлім бастығы, Департамент бастығының орынбасары, сондай-ақ Қостанай облысы прокурорының орынбасары және бірінші орынбасары қызметтерін атқарды.
  • Осы тағайындауға дейін Бас Прокурор Аппараты басшысының орынбасары болып жұмыс істеді.

Мемлекеттік қызметтегі қызмет өтілі 22 жылдан асады.

Бас Прокурор Аппараты басшысының орынбасары болып әділет аға кеңесшісі Берік  Жүнісбеков тағайындалды.

Бас прокурор аппараты басшысының орынбасары

Сурет: Telegram/GenPr

Берік Жүнісбеков 1981 жылы туған. Қазақ құқықтану және халықаралық қатынастар институтын бітірген.

Еңбек өтілі:

  • 2003 жылдан 2009 жылға дейін Алматы қаласының прокуратурасында жұмыс істеді, содан кейін 2009 жылдан 2016 жылға дейін Бас прокуратурада түрлі қызметтер атқарды.
  • 2016 жылдан 2017 жылға дейін Алматы және Қарағанды облысының прокуратура бөлімшелерін басқарды.
  • 2020 жылы Ұлыбританиядағы Эксетер университетінде «Болашақ» халықаралық бағдарламасы бойынша магистратураны үздік бітірді.
  • Оқудан кейін Бас прокуратурада қызметін жалғастырып, Бас Прокурор Аппаратының азаматтық-құқықтық саласындағы бақылау-талдау басқармасын басқарды.

Мемлекеттік қызметтегі жұмыс өтілі 18 жылдан астам.

Бас прокуратураның Ішкі тергеп-тексеру департаментінің бастығы лауазымына әділет аға кеңесшісі Жарқын Құсайынов тағайындалды.

Бас прокуратураның Ішкі тергеп-тексеру департаментінің бастығы

Сурет: Telegram/GenPr

Жарқын Құсайынов 1976 жылы туған. Қазақ мемлекеттік заң университетін "құқықтану" мамандығы бойынша бітірген.

Еңбек өтілі:

Қызметін 1993 жылы Бас әскери прокуратура органдарының жүйесінде бастаған.

  • 2001-2017 жылдары Алматы қаласының прокуратурасында, Бас прокуратурада, оның ішінде басшылық лауазымдарда жұмыс істеді.
  • 2017 жылдан бастап 2020 жылдары Алматы қаласы Медеу ауданы прокуратурасының басшысы, прокурордың орынбасары, кейін Жамбыл облысының прокуроры болды.

Осы тағайындауға дейін Астана қаласы прокурорының бірінші орынбасары болды.

Мемлекеттік қызметтегі жұмыс өтілі 26 жылдан астам.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: