Жол апатынан қайтыс болған Дархан Жүнісбековтің әпкесі: Отбасымыз қара жамылды

Жол апатынан қайтыс болған Дархан Жүнісбековтың әпкесі: Менің енді інім жоқ, сурет - Zakon.kz жаңалық 24.02.2023 17:13

Сурет: Instagram/d.juzz

24 ақпан күні Таиландта оқыс оқиғадан қайтыс болған белгілі қазақстандық музыкант Дархан Жүнісбековтің (Darkhan Juzz) әпкесі Назым Жүнісбекова желіде жазба жариялады, деп хабарлайды Zakon.kz.

Ол Instagram-дағы Stories-те жазба қалдырды.

"Иә, достар. Ақпарат рас. Менің енді інім жоқ. Direct сұрақтармен толып кетті. Отбасымыз қара жамылды", - деп жазды Darkhan Juzz-дің әпкесі.

Бірер уақыт бұрын Darkhan Juzz лақап атымен танылған музыкант қайтыс болғаны хабарланған еді. Бұл туралы Ерлан Қарин Instagram-дағы парақшасында жазды.

Кейін Сыртқы істер министрлігі Darkhan Juzz Тайландта жол апатынан қайтыс болғанын растады. Таиланд полициясының мәліметіне сай, Дархан Жүнісбеков 24 ақпанда Пхукет аралында қайтыс болды.

Консул қаза тапқан адамның туыстарымен байланыста. Мәйітті Қазақстанға жіберу үшін қажет құжаттарды ресімдеу бойынша жұмыс жүргізіліп жатыр.

Дархан Жүнісбеков 1991 жылы 9 тамызда Алматыда дүниеге келген. Көпке Darkhan Juzz деген атпен танылған әнші - "Үйде", "Сапар", "Шекер", "Кейіпкер" әндерін шығарған және өзі орындады. Оның инди-поп жанрындағы әндері тыңдарманға ерекше жаңа стиль алып келген еді.

Оқи отырыңыз