Алматы қорығы аумағына бөгде адамдардың кіруіне тыйым салынды

Алматы мемлекеттік қорығы, қар көшкіні, сурет - Zakon.kz жаңалық 01.03.2023 10:52

Сурет: Instagram/bioreserve.almaty

2023 жылғы 24 ақпанда Алматы мемлекеттік табиғи қорығының аумағында қар көшкіні жүрді, деп хабарлайды Zakon.kz.

Қазір қорық аумағында мемлекеттік инспекторлар қарды ашу жұмыстарын жүргізіп жатыр.

"2023 жылғы 24 ақпанда Алматы мемлекеттік табиғи қорығы Талғар бөлімшесінің Оң Талғар және Сол Талғар шатқалының бойымен қызмет кордондарына қатынасатын өрт қауіпсіздігі жолдарына бірнеше жерден биіктігі 1,5 метр ені 15 метр болатын қар көшкіні түсті. Мемлекеттік инспекторлардың күшімен қарды ашу жұмыстары жүргізілуде. Осыған байланысты қорық аумағына бөгде адамдардың кіріп-шығуына тыйым салынады", – делінген хабарламада.