Шарын ұлттық саябағындағы борсықтың серуені видеоға түсіп қалды

Борсық түсірілген видеоны Шарын ұлттық паркінің мамандары Instagram-дағы парақшасында жариялады, деп хабарлайды Zakon.kz.

Айта кету керек, борсықтар түнде жүреді. Зоологтардың пікірінше, борсық құмды төбелердің, орманды жыралар мен сайлардың беткейлерін қазып, терең ойықтарда өмір сүреді.

Қазақстан зоология институтының сайтында борсықтың қысқы ұйқысы қазан-қарашадан ақпан-наурызға дейін созылатыны жазылған. Көктемде жануарлардың өз інінен шығуы көбіне жылы мезгілдің келуіне байланысты.

Посмотреть эту публикацию в Instagram

Публикация от Шарын мемлекеттік ұлттық табиғи паркі (@charyn___official)

2022 жылдың 8 желтоқсанында Іле-Алатау МҰТП Instagram-дағы парақшасында барыс түсірілген видео пайда болды. Бір қызығы, барысты камера қақпан емес, адам түсіріп алған.