Демалыс күндері елімізде ауа райы құбылмалы болады

Синоптиктер Қазақстанда 2023 жылғы 11-13 наурыз күндеріне арналған ауа райы болжамын ұсынды, деп хабарлайды Zakon.kz.

"Қазгидромет" РМК ұсынған мәлімет бойынша, еліміздің басым бөлігінде ауа райы құбылмалы болады.

"Қар мен жаңбыр, жел күшейеді, солтүстік-батыс, солтүстік және шығыс аймақтарда жаяу бұрқасын болады"."Қазгидромет" РМК

• 11-12 наурызда еліміздің оңтүстігінде қатты жаңбыр жауады;
• 12-13 наурызда республиканың шығыс облыстарында қатты жауын-шашын (жаңбыр, қар);
• 12-13 наурызда оңтүстік-шығысында қатты жаңбыр жауады.

"Еліміз бойынша тұман, солтүстік жартысында көктайғақ болжанады. Республиканың оңтүстік жартысында найзағай күтіледі"."Қазгидромет" РМК

Ауа температурасы:

• еліміздің батыс облыстарында түнде 0-10 жылыдан 2 аяз -8 жылы, күндіз 3-15-тен 7-18 жылыға дейін;
• республиканың солтүстік-батысында, солтүстігінде, орталығында, шығысында түнде 0-12 аяздан 3-15 аязға дейін, күндіз 3 аяз-10 жылыдан 5 аяз - 3 жылыға төмендейді;
• оңтүстікте түнде 3 аяз -10 жылыға дейін төмендейді;
• күндіз 10-20 жылыға дейін жоғарылайды;
• оңтүстік-шығыста түнде 0-8 жылы, күндіз 2-18 жылыға дейін төмендейді.