Еліміздің 3 өңірінде ауа райының қолайсыздығына байланысты жол қозғалысына шектеу енгізілді

 "ҚазАвтоЖол" ҰК " АҚ баспасөз қызметінің мәлімдеуінше, 9:30-дағы ақпаратқа сәйкес, шектеу еліміздің 3 өңіріндегі тас жолға қойылады.

Ақмола облысында екі тасжолдың үш бөлігі жабылды:

• "Астана-Петропавл" күре жолының Астана қаласынан Көкшетау қаласына дейінгі аралығында көліктің барлық түрі үшін қозғалыс шектелді;
• "Астана-Петропавл" күре жолының Көкшетау қаласынан Солтүстік Қазақстан өңірінің шекарасына дейінгі аралық жол қозғалысы үшін жабық;
• "Көкшетау-Омбы" тасжолының Көкшетау қаласынан Солтүстік Қазақстан облысының шекарасына дейінгі аралығы жабық;

Батыс Қазақстан облысында:

• "Подстепное-Федоровка-Ресей Федерациясының шекарасы" тасжолында Бөрлі ауылынан Ақсай қаласына дейін қозғалыс шектелді;

Солтүстік Қазақстан облысында 5 учаске жабылды:

• "Челябинск-Новосибирск" тасжолының Петропавл мен Булаево қалаларының арасында жол қозғалысына шектеу енгізілді;
• "Астана-Петропавл" тасжолында Ақмола облысының шекарасынан Бескөл ауылына дейінгі аралық жабық;
• "Жезқазған-Петропавл" тасжолының Явленка және Бескөл ауылдарының арасы жабық;
• "Петропавл-Соколовка-Ресей Федерациясының шекарасы" тасжолының Петропавл қаласынан Ресей Федерациясының шекарасына дейінгі аралығында көліктің барлық түрі үшін жол қозғалысы шектелді;
• "Көкшетау-Омбы" тасжолының Ақмола облысының шекарасынан Кішкенекөл ауылына дейінгі аралығында жол қозғалысы шектелді.

Оқи отырыңыз

Imanbek ҚР Президенті күзеті қызметіне арналған бейнебаянның аранжировкасын жасады

22:55, 03 мамыр 2024

Қазақстанның басым бөлігінде жаңбыр жауып, бұршақ түседі, үсік жүреді деп болжанады

20:42, 03 мамыр 2024

Синоптиктер алдағы мейрам күндері Алматыда ауа райы қандай болатынын айтты

18:53, 03 мамыр 2024