Жаңалықтар тізбегі
0

Соттан тыс банкроттыққа өтініш берген кезде азаматтар нені білуі керек

Банкроттық, соттан тыс банкроттық, ҚР ҚМ Мемлекеттік кірістер комитеті Сурет: freepik
2023 жылғы 3 наурыздан бастап азаматтардан банкроттық рәсімдерді қолдану туралы арыздарды қабылдау басталды. ҚР ҚМ Мемлекеттік кірістер комитеті соттан тыс банкроттыққа өтініш берген кезде азаматтар неге мән беру керек екенін мәлім етті, деп хабарлайды Zakon.kz.

Мемлекеттік кірістер комитеті ұсынған мәлімет бойынша, бүгінгі күні 18 мыңнан астам арыз келіп түсті. Арыздар негізінде е-Gov (94%) және e-Salyq Azamat (6%) мобильдік қосымшасы арқылы түсіп жатыр.

"Қазақстан Республикасы азаматтарының төлем қабілеттілігін қалпына келтіру және банкроттығы туралы" Заңының талаптарына сәйкес, мемлекеттік кірістер органдары 15 жұмыс күн ішінде азаматтың келесі шарттарға сәйкес келуін тексереді:

  • борыш банк, микроқаржы ұйымдары (МҚҰ) және коллекторлық агенттіктер алдында 5,5 млн.теңгеден (1600 АЕК) аспауы;
  • борыштың өтелмеу мерзімі он екі айдан асуы;
  • некеде бірге алынған мүлікті қоса алғанда, меншік құқығында мүліктің болмауы (көлік, үй, жер тілімі, банктегі депозит және т.б.);
  • банкпен, МҚҰ борыштар бойынша реттеу рәсімін жүргізілуі.

Тексеріс автоматтандырылған нысанда тіркеуші мемлекеттік органдардың, банктердің және кредиттік бюролардың электрондық деректері базасымен салыстыру арқылы жүзеге асырылады.

Алдын ала мәлімет бойынша, жекелеген азаматтардың банкроттықты қолдана алмайтындығы келесі себептермен анықталды:

  • 12 ай ішінде қарыз ішінара өтелгені;
  • борышкердің немесе зайыбының мүлкі болуы;
  • банкпен не МҚҰ реттеу рәсімін жүргізуі туралы құжаттың болмауы;
  • дара кәсіпкер ретінде тіркелгендігі;
  • атаулы әлеуметтік көмекті 6 айда аз мерзімде алуы.

Мемлекеттік кірістер комитеті азаматтардың телефонына 1414 қызметі арқылы соттан тыс банкроттық рәсімін қолданудан бас тарту туралы хабарлама жіберілетінін атап өтті.

Егер мұндай хабарлама алынған болса, соттан тыс банкроттыққа қойылған өлшемдерге сәйкес келсе 3 айдан кейін қайта өтінішпен жүгінуге болады.

Бас тарту себептерін жою үшін тиісті уәкілетті органга жүгіну қажет:

  • мүліктің болуы, заңды тұлғаларда қатысуы туралы – әділет органдарына (ХҚКО, «электрондық үкімет» порталы арқылы);
  • жер тілімі, ауылшаруашылығы жануарлары және арнайы техника бойынша – Ауыл шаруашылығы басқармасы (жергілікті әкімшілікке);
  • автокөлік құралдары бойынша – Ішкі істер басқармасына, Мамандандырылған ХҚКО;
  • дара кәсіптің болуы бойынша – Аудандық мемлекеттік кірістер басқармасына;
  • кредит сомасы, қайтару мерзімдері бойынша – тиісті банкке, МҚҰ-ға немесе коллекторлық агенттіктерге. Егер банк не МҚҰ немесе коллекторлық агенттіктері тиісті құжат бермесе аймақтық Қаржы нарығын реттеу және дамыту агенттігінің бөліміне жүгінуге болады.

Егер борышкерге мүлкінің болуына байланысты соттан тыс банкроттық рәсімін қолданудан бас тартылған жағдайда, ол тұрғылықты жері бойынша аудандық сотқа төлем қабілеттілігін қалпына келтіру немесе сот арқылы банкроттық рәсімін қолдану үшін жүгінуге құқылы.



Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: