Қазақстанда сайлау күні 609 бала дүниеге келді

Қазақстанда бүгін, 19 наурызда Парламент Мәжілісі мен мәслихат депутаттарын сайлау күні 609 бала дүниеге келді, деп хабарлайды Zakon.kz.

Денсаулық сақтау министрлігінің хабарлауынша, оның 312-і ұл, 297-і қыз және бір егіз.

"Мемлекеттің одан әрі дамуы үшін осындай тағдырлы және маңызды күнде дүниеге келген сәбилерге жарқын болашақ пен зор денсаулық тілейміз! Бүгін республиканың стационарларында емделіп жатқан пациенттер үшін емдеуге жатқызу орны бойынша дауыс беру үшін жағдайлар ұйымдастырылды".Денсаулық сақтау министрлігі

Қазақстанда сағат 20:10-дағы жағдай бойынша халықтың 54,09%-ы дауыс берді.