Қазақстанның 12 өңірінде қолайсыз ауа райына байланысты ескерту жасады

"Қазгидромет" синоптиктері Қазақстанның 12 өңірінде қолайсыз ауа райына байланысты дауылды ескерту жасады, деп хабарлайды Zakon.kz.

Түркістан облысының оңтүстігінде, таулы, тау бөктерлі аудандарында найзағай күтіледі. Солтүстік-шығыстан жел соғады, облыстың солтүстігінде, таулы аудандарында күші 15-20, екпіні 23 м/с.

Шымкентте таңертең және күндіз найзағай күтіледі.

Ұлытау облысының солтүстігінде, орталығында солтүстік-шығыстан, шығыстан жел соғады, екпіні 15-20 м/с күтіледі. 

Шығыс Қазақстан облысынның солтүстігінде, шығысында жаяу бұрқасын күтіледі. Жел солтүстіктен соғады, облыстың солтүстігінде, шығысында 15-20 м/с. 

Қызылорда облысында жел солтүстіктен, солтүстік-шығыстан соғады, облыстың орталығында 15-20, күндіз екпіні 23 м/с сақталады. 

Қарағанды облысының шығысында жаяу бұрқасын күтіледі. Солтүстік-шығыстан, шығыстан жел соғады, облыстың солтүстігінде, шығысында екпіні 15-20 м/с күтіледі.

Абай облысының батысында, оңтүстігінде, орталығында жаяу бұрқасын күтіледі. Жел солтүстіктен соғады, облыстың батысында, оңтүстігінде, орталығында 15-20, екпіні 23 м/с.

Қостанай облысының солтүстігінде, шығысында тұман күтіледі. Оңтүстіктен, оңтүстік-шығыстан жел соғады, облыстың оңтүстігінде екпіні 15-20 м/с. Ауа температурасы күндіз облыстың оңтүстігінде 2 градус жылы болады.

Солтүстік Қазақстан облысының солтүстігінде оңтүстік-батыстан жел соғады, екпіні 15-20 м/с күтіледі. 

Ақмола облысының түнде шығысында жаяу бұрқасын күтіледі. Түнде және таңертең облыстың батысында, оңтүстігінде тұман күтіледі. Солтүстік-шығыстан соғатын жел оңтүстік-батысқа ауысады, облыстың солтүстігінде, шығысында екпіні 15-20 м/с.

Астанада түнде және таңертең тұман түседі.

Жамбыл облысының таулы аудандарында тұман күтіледі. Солтүстік-шығыстан жел соғады облыстың оңтүстік-батысында, солтүстік-шығысында, таулы аудандарында 15-20, екпіні 23 м/с күтіледі.