Қарағанды облысының өзендерінде мұз жару жұмыстары басталды

мұз жару, сурет - Zakon.kz жаңалық 23.03.2023 15:40

Сурет: Қарағанды облысы ТЖД баспасөз қызметі

Қарағанды облысында 22 наурыздан бастап өзендерде мұзды ұсақтау және қопсыту бойынша жарылыс жұмыстары басталды, деп хабарлайды Zakon.kz.

Бұқар-Жырау ауданындағы Ботақара, Мұстафина, Жастілек, Петровка және Теміртау қаласындағы 7 учаскеде 3390 шаршы метр аумақта кесу-жару жұмыстары жүргізілді.

"23 наурыздағы жағдай бойынша облыста су тасқыны жағдайы тұрақты. Елді мекендерді су басып, жолдарды су шаю тіркелген жоқ. Белсенді су басу процестері байқалмайды. Ғарыштық мониторинг деректері бойынша облыстың 69 пайыз аумағын қар жауып тұр. Самарқанд су қоймасынан көлемі 15 м3/с, ағыны 7,5 м3/с, Ынтымақ су қоймасынан 8 м3/с, ағыны 16,7 м3/с су төгу жалғасуда. Шерубай-Нұра су қоймасынан ағындар жоқ". Қарағанды облысы ТЖД баспасөз қызметі

Облыста 4 845 бірлік және 463 көпір көлемінде су өткізу құбырларын тазарту жұмыстары аяқталды.

Қар тазалау жұмыстары жалғасып жатыр, облыстан 2 млн 238 мың м3 қар шығарылды. 135 шақырым дренаждық траншеялар кесіліп, 185 шақырым каналдар мен арықтар тазартылды.

Өңірде 22 наурыздан бастап өзендерде мұзды ұсақтау және қопсыту бойынша жарылыс жұмыстары басталды. Бұқар-Жырау ауданындағы Ботақара, Мұстафина, Жастілек, Петровка және Теміртау қаласындағы 7 учаскеде 3390 шаршы метр аумақта кесу-жару жұмыстары жүргізілді.

Оқи отырыңыз