Жетісу облысында мас күйде қайта рөлге отырған 20 жүргізуші анықталды

Заң бұзған адам ұсталды, сурет - Zakon.kz жаңалық 30.03.2023 17:10

Сурет: ҚР ІІМ

Жетісу полицейлері көлікті мас күйінде басқаратын жүргізушілермен жұмысты едәуір күшейтті. Шамамен үш ай ішінде облыстың автожолдарында алкогольдік мас күйде көлікті тізгіндеген 160-тан астам жүргізуші ұсталды.

Бұрын жауапқа тартылған және жүргізуші куәлігінен айырылған 20 жүргізушіге қатысты құқық бұзушылықты қайталағаны үшін қылмыстық іс қозғалды. Соңғы факт 29 наурыз күні Көксу ауданында тіркелді, онда жергілікті полицияның автопатруль қызметкерлері Балпық би ауылының 44 жастағы тұрғынын ұстады. Медициналық қорытындының нәтижелері ер адамда алкогольдік масаңдықтың орташа дәрежесін растады.

"Ұсталған кезде жүргізушіде тиісті құжаттар болған жоқ. Арнайы мәліметтер базасын тексеру барысында ер адам өткен жылдың жазында дәл осындай құқық бұзушылық үшін әкімшілік жауапкершілікке тартылғаны анықталды. Сот шешімімен 15 тәулік қамауда болған және 7 жылға жүргізуші куәлігінен айырылған. Енді бұзушылықты қайталағаны үшін оған ҚР ҚК-нің 346-бабы бойынша (Көлік құралдарын басқару құқығынан айырылған және алкогольдік масаң күйдегі адамның көлік құралын басқаруы) қылмыстық жаза қолданылады, – деп хабарлады Көксу ауданының полициясы."

Полиция жүргізушілерді көлікті басқару кезінде алкогольдік ішімдіктерден бас тартуға шақырады. Мас халде көлік басқару тек қатаң заңнамалық жауапкершілікті ғана емес, сонымен қатар қайғылы апаттарға да ұрындырады. Өзіңізді және басқа жол қозғалысына қатысушылардың өмірін қорғаңыз.

Оқи отырыңыз