Шымкентте автобустың 6 адамды қағып кеткен сәтінің видеосы пайда болды (18+)

Жүргізушісі жоқ автобустың жаяу жүргінші жолағынан өткелі тұрған адамдарды қағып кеткен сәттің кадры жарияланды, деп хабарлайды Zakon.kz.

Шымкентте 8 сәуірде кешке автобус адамдарды қағып кетті. Бұл кезде автобуста жүргізуші болмаған. Салдарынан төрт адам қаза тапты, тағы екеуі ауруханада жатыр.

Видеоны Otyrar телеарнасы Telegram-дағы каналында жариялады. Бұл камераға түсіп қалған.

Жол апатынан кейін Шымкент клиникалық ауруханасына жеткізілген 2005 жылғы тұрғынның жағдайы орташа ауыр. Ол нейрохирургия бөлімшесінде жатыр.

Шымкент полиция департаментінің жедел-тергеу тобы жүргізуші соңғы аялдамадан қарсы бағытқа бұрылып, автобусты қол тежегішінде қалдырып, көліктен шығып кеткенін анықтады.