Синоптиктер Астанада қанша қар жауғанын айтты
Сурет: Астана қаласының әкімдігі
Астанада демалыс күндері жауған қардың мөлшері айлық нормадан асып түсті. Қала әкімдігінің мәлімдеуінше, коммуналдық қызметтер тәулік бойы күшейтілген режимде жұмыс істеп жатыр, деп хабарлайды Zakon.kz.
"Қазгидромет" РМК деректері бойынша, ай сайынғы норма 22 мм болған жағдайда, Астанада тек соңғы үш күнде 37,6 мм қар жауды.
"Коммуналдық қызметтер толықтай күшейтілген жұмыс режиміне ауыстырылды. Қар күреу жұмысына күн сайын 2,2 мыңнан астам жол жұмысшы, мыңнан астам арнайы техника жұмылдырылды.17 сәуірге қараған түні елордадан 23 мың текше метрден астам қар немесе 1 671 жүк көлігі шығарылды".Астана қаласының әкімдігі
Қыс мезгілінің басынан бері бүгінгі күнге дейін полигондарға 4 миллион текше метрге жуық қар шығарылды, бұл 318 мыңнан астам рейс.
"Ауа райының нашарлауына байланысты қалада көлік қозғалысының қарқындылығы төмендеді. Төтенше жағдайлардың алдын алу үшін жүргізушілер мен жолаушылар өте мұқият болуы, қауіпсіз қашықтықты сақтауы қажет".Астана қаласының әкімдігі
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
