Ақтөбе облысында да жол апатынан 3 адам мерт болды

Ақтөбе облысында жол-көлік оқиғасы салдарынан 3 адам қаза тапты, ал жүргізуші ауруханаға жеткізілді, деп хабарлайды Zakon.kz polisia.kz-ке сілтеме жасап.

Жол апаты 23 сәуірде Хромтау ауданының Жазық ауылының маңында Самара-Шымкент автожолында болған.

"ВАЗ-2110" және Toyota маркалы автокөліктері соқтығысқан.

"ВАЗ" автокөлігінің 3 жолаушысы оқиға орнында көз жұмды, жүргізушісі аудандық ауруханаға жеткізілді. Сотқа дейінгі тергеу басталды және жол-көлік оқиғасының мән-жайы анықталып жатыр.

Еске салайық, бұған дейін Түркістан облысында жол апатынан 3 адамның қаза тапқанын хабарлаған едік.