Азия чемпионатына қатысатын қазақстандық ауыратлеттер анықталды

Азия чемпионатына қатысатын 20 қазақстандық ауыратлет анықталды, деп хабарлайды Zakon.kz Спортты дамыту дирекциясына сілтеме жасап.

Оңтүстік Кореяның Чинджу қаласында 3-13 мамыр аралығында ауыр атлетикадан Азия чемпионаты өтеді. Бұл - 2024 жылғы Олимпиада ойындарына іріктеу турнирі.

 Аталған құрлықтық біріншілікте Қазақстан атынан 20 спортшы қатысады:

Ерлер:

• Арли Чонтей (55 келі);
• Өтепберген Әлиев (61 келі);
• Анатолий Савельев (67 келі);
• Алексей Чуркин (73 келі);
• Еламан Сейтқазы (81 келі);
• Асылжан Бектай, Сергей Петрович (екеуі де – 89 келі);
• Нұрғиса Әділетұлы, Артем Антропов (екеуі де 102 келі);
• Андас Самарканов (109 келі).

Әйелдер:

• Айнұр Әбдіқалықова (45 келі);
• Екатерина Алякина (55 келі);
• Алина Колиушко (59 келі);
• Карина Горичева (64 келі);
• Арай Нұрлыбекова (76 келі);
• Аиша Омарова, Айым Есжанова (екеуі де – 81 келі);
• Динара Қыпшақбай (87 келі);
• Айсамал Сансызбаева, Любовь Ковальчук (екеуі де 87 келіден жоғары).