Сәуірдің соңғы үш күнінде елімізде күн райы қалай құбылмақ
Сурет: pixabay
Синоптиктер Қазақстанда 2023 жылғы 29 сәуір мен 1 мамыр аралығындағы ауа райы болжамын ұсынды. Болжам бойынша, еліміздің басым бөлігінде ауа температурасы төмендейді, деп хабарлайды Zakon.kz.
"Қазгидромет" РМК ұсынған мәлімет бойынша, Қазақстанның басым бөлігінде күн күркіреп, түнде солтүстікте, орталықта, шығыста – жаңбыр мен қар түріндегі жауын-шашын түседі, оңтүстік-шығыстың таулы аймақтарында әлсін-әлсін қатты жаңбыр, бұршақ жаууы мүмкін.
Республика бойынша жел күшейіп, тұман күтіледі. Оңтүстік облыстарда шаңды дауыл тұрады.
"Солтүстікте, солтүстік-батыста, орталықта түнде 1-7 градусқа дейін үсік жүретін болса, шығыста 1-10 градусқа дейін үсік жүреді", – деді синоптиктер.
Апта соңында солтүстік антициклонның әсері Қазақстанның басым бөлігінде ауа температурасының төмендеуіне әкеп соқтырады.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
