Тоқаев Астанадағы саябақта ағаш отырғызды

Президент Қасым-Жомарт Тоқаев астанадағы саябаққа ағаш отырғызды, деп хабарлайды Zakon.kz Ақорданың баспасөз қызметіне сілтеме жасап.

Президент Қасым-Жомарт Тоқаев "Жасыл Астана" экологиялық айлығы аясында ұйымдастырылған қалалық сенбілікке қатысып, елордадағы Желілік саябақта ағаш отырғызды.

Сенбілікке волонтерлер мен студенттер де белсенді атсалысты.

Сурет: Ақорда

  Мемлекет басшысы сенбілік барысында волонтерлермен және студенттермен әңгімелесті.

"Қазақстан – біздің ортақ үйіміз. Сондықтан үйімізді таза ұстауымыз керек. Ағаш отырғызып, көшелерді тазалауымыз керек. Бұл – біздің азаматтық борышымыз. Бізде басқа ел жоқ. Сондықтан бәріңді жауапкершілігі мол азамат болуға шақырамын. Баршаңызға, әсіресе, еріктілерге алғыс айтамын", - деді Қасым-Жомарт Тоқаев.

Сурет: Ақорда