Дауылды ескерту: Шымкенттік оқушылар бүгін үйден оқиды

Шымкент қаласының білім басқармасы 5 мамырда ауа райының нашарлауына байланысты 1-4 сыныптарда сабақ қашықтан өтетінін айтты, деп хабарлайды Zakon.kz.

Otyrar.kz ақпарат агенттігінің хабарлауынша, дауылды ескертуге сәйкес, Шымкентте 5 мамырда шығыстан жел соғады, екпіні 15-20, күндіз кей жерлерде 25 м/с болады.

Бұған дейін облыста 6 мамырға дейін дауылды ескерту жарияланғаны хабарланған болатын. Тұрғындардан сақтық шараларын сақтауды сұрайды.