Жұма күні Қазақстанның төрт қаласында ауа райы қолайсыз болады

Сурет: Zakon.kz/Павел Михеев

Ауа райы болжамына сәйкес, 5 мамырда Қарағанды, Теміртау, Алматы және Астана қалаларында қолайсыз метеорологиялық жағдай сақталады, деп хабарлайды Zakon.kz.

"Қазгидромет" РМК мәліметінше, бұл қалалардағы метеорологиялық жағдай атмосферада ластаушы заттардың жиналуына ықпал етеді. Республиканың басқа қалаларында ауа райы қолайлы болады деп болжанды.

Қолайсыз ауа-райында ұсынылатын әрекеттер:

көшеде, әсіресе магистральдарда немесе басқа ластау көздерінің жанында уақыт өткізуді азайтыңыз.
Балалар мен жүкті әйелдер ұзақ серуендеуден аулақ болуы керек;
созылмалы өкпе аурулары, жүрек-қан тамырлары, аллергиялық аурулармен ауыратын адамдар көшеде өзімен бірге қажет дәрі-дәрмегін алып жүруі керек;
ашық ауада физикалық белсенділікті шектеңіз. Дене шынықтыру мен спорт жабық спорт кешендерінде жүргізілуі керек.

Бұған дейін синоптиктер Қазақстанда 5 мамырға арналған ауа райы болжамын ұсынған еді. Мамандар жел, шаңды дауыл, тұман, тіпті түнде аяз болатынын болжады.

Оқи отырыңыз