Келесі аптада Алматыда күн 30 градусқа дейін ысиды

Алматы, ауа райы болжамы, сурет - Zakon.kz жаңалық 05.05.2023 17:59

Сурет: unsplash

Синоптиктер Zakon.kz сайтына келер аптаның ауа райы болжамын ұсынды. Болжам бойынша, келесі аптада Алматыда күн ашық әрі ыстық болады.

"Қазгидрометтің" РМК Алматы қаласы және Алматы облысы бойынша филиалының жетекші инженер-синоптигі Дәулет Қисебаевтың айтуынша, 6-12 мамыр аралығында оңтүстік астанада күн 30 градусқа дейін ысиды, ал апта соңында күн күркіреп, жаңбыр жауады.

6 мамыр: көшпелі бұлтты, жауын-шашынсыз. Жел 0-5 м/с. Ауа температурасы түнде 1-3°С , күндіз 17-19°С жылы.

7-8 мамыр: күн ашық. Жел 0-5 м/с. Ауа температурасы түнде 6-8°С, күндіз 18-20°С жылы.

9 мамыр: көшпелі бұлтты, жауын-шашынсыз. Жел 0-5 м/с. Ауа температурасы түнде 8-10°С, күндіз 22-24°С жылы.

10 мамыр: көшпелі бұлтты, жауын-шашынсыз. Жел 0-5 м/с. Ауа температурасы түнде 10-12°С, күндіз 24-26°С жылы.

11 мамыр: көшпелі бұлтты, жауын-шашынсыз. Жел 2-7 м/с. Ауа температурасы түнде 12-14°С, күндіз 28-30°С жылы.

12 мамыр: көшпелі бұлт шығады, күндіз өткінші жаңбыр жауады, найзағай ойнайды. Оңтүстік-батыстан 3-8 жел соғады,екпіні 15 м/с. Ауа температурасы түнде 15-17°С, күндіз 26-28°С жылы.