Жанат Тәжиева мектептің жөндеуіне деп ақша жинаса, қайда хабарласу керегін айтты

Шымкент білім басқармасының басшысы Жанат Тәжиева мектептің жөндеуіне деп ақша жинаса, қайда хабарласу керегін айтты, деп хабарлайды Zakon.kz otyrar.kz-ке сілтеме жасап.

"Мектептерге жөндеуге деп ақша жинауға тыйым салынған. Себебі барлық білім беру ұйымдарға жөндеуге, канцелярлық заттарына тағы да басқа шаруашылық заттары үшін мемлекеттің тарапынан 100% сұраныстарына сәйкес ақша бөлінген. Егер түрлі сылтаумен ақша жиналса, осы Шымкенттегі Антикорда күндіз-түні call-орталық жұмыс атқарады. 14-24-ке қоңырау шалыңыздар немесе Бас прокуратураның 115, білім басқармасының 39-49-26 телефондарына қоңырау шалып, хабарлама қалдыруларыңызды сұранамын. Жанат Тәжиева

Оның айтуынша, басқарманың арнайы бұйрығымен білім беру ұйымдары материалдық-техникалық базасын нығайтуға бөлінген қаржы туралы қамқоршылық кеңестің алдында, әлеуметтік желідегі тікелей эфирге қосылып, есеп беруге тиіс.