Қазақстандық банктерге елден Ресей рублін экспорттауға рұқсат беріледі
Сурет: pixabay
«Қазақстан Республикасының қаржылық тұрақтылығын қамтамасыз етудің кейбір мәселелері туралы» Қазақстан Республикасы Үкіметінің қаулысының жобасы дайындалды, деп хабарлайды Zakon.kz.
"Қазақстан Республикасының екінші деңгейлі банктеріне Қазақстан Республикасынан қолма-қол ресей рублін әкетуге рұқсат етілсін", - делінген құжатта.
Құжаттың мақсаты – екінші деңгейлі банктердің қолма-қол ресей рублін елден шығаруы, оларды қолма-қол ақшасыз нысанға айырбастау және шетел банктеріндегі корреспонденттік шоттарын толықтыру.
Жарлық 2024 жылдың 1 қаңтарына дейін күшінде болады деп жоспарлануда.
Құжат Ашық НҚА веб-сайтында 5 маусымға дейін орналастырылған.
Дәл осындай қаулы 2022 жылдың 28 желтоқсанында қабылданған болатын, ол кезде банктерге рубльді бір реттік экспорттауға рұқсат берілді.
2022 жылдың 14 наурызында Қазақстан елден 10 мың доллардан астам шетел валютасы мен алтынды әкетуге тыйым салды.
2022 жылғы 13 маусымда жарлыққа өзгерістер енгізілді. Ол Ұлттық банктің операцияларына және тазартылған алтынды экспорттауға қолданылған жоқ.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
