Пайдалы демалыс: 200 мың елордалық мектеп оқушылары қалай демалады

Жазғы демалысты пайдалы өткізу үшін бағдарлама әзірленді, сурет - Zakon.kz жаңалық 23.05.2023 16:46

Сурет: pixabay

Астанада мектеп оқушыларының жазғы демалысы жыл сайын ұйымдастырылады. Биыл ол екі бағытта – денсаулықты жақсарту және жұмыспен қамту бойынша жүргізіледі.

Бұл туралы онлайн брифингте Астана қаласы Білім басқармасы басшысының орынбасары Серік Адылбаев мәлім етті.

"2023 жылдың жазғы кезеңінде 197 869 оқушы немесе 1-10 сынып оқушыларының жалпы санының 98 пайызы жазғы демалыстың барлық түрлерімен қамтылады. 85 мектепте бастауыш сынып оқушылары үшін мектеп жанындағы лагерьлер ұйымдастырылды. «Арман» және «Боровичок» дене шынықтыру-сауықтыру лагерлері «2800 бала демалады, оның 2050-і жетім және көп балалы, аз қамтылған отбасы балалары". Серік Адылбаев

Сонымен қатар, 2023 жылдың 5 маусымы мен 16 шілдесі аралығында Әл-Фараби атындағы Оқушылар сарайы «Балалықтың бойтұмары» жазғы сауықтыру академиясын екі ауысымда үш маусымда ұйымдастырады.

«Ұшқыр ой алаңы» пікірсайыс қозғалысы аясында 2023 жылдың 5 маусымы мен 30 маусымы аралығында бір ауысымда екі маусымды қарастыратын «Жазғы пікірсайыс академиясы» ұйымдастырылады. Лагерь бағдарламасында «Парасат» дебат клубының спикерлерінен тренингтер қарастырылған.

Маусым айында оқушылар сарайларында қолданбалы өнер, ағылшын тілін үйрену, т.б қысқа мерзімді әуесқойлық үйірмелері құрылады.Сонымен қатар жүзу және спорт үйірмелері өз жұмысын жалғастырады.

Оқи отырыңыз